तत्कालीन राजा वीरेन्द्र शाहको बंश नाश भएको १९ वर्ष पूरा 



मेरो प्रदेश सम्वाददाता
काठमाडौ


२०५८ जेठ १९ गते राती दरबारभित्रै तत्कालीन राजा वीरेन्द्र शाहको बंश नाश भएको आज १९ वर्ष पूरा भएको छ । उक्त कान्डमा राजारानीसहित राजपरिवारका अन्य सदस्य र आफन्तको हत्या भएको थियो। उच्च सुरक्षा घेराभित्र रहेको दरबारमा भएको हत्याकान्ड अहिले पनि नेपाली मान्सपटलमा रहस्यकै गर्भमा छ । जेठ १९ को त्यो कहालीलाग्दो रातले अहिले पनि हरेक नेपालीलाई झस्काउने गर्छ । राजतन्त्र हटेर मुलुकमा गणतन्त्र स्थाना भइसके पनि तत्कालीन राजपरिवारको बंश नाश भएको जेठ १९ को नमिठो छाप अहिले पनि नेपालीको मनबाट मेटिएको छैन। पारिवारिक जमघटका समयमा भएको घटनामा राजा वीरेन्द्र, रानी एश्वर्य, युवराज दीपेन्द्र, राजकुमार निराजन, राजकुमारी श्रुति, राजकुमार धिरेन्द्र, राजकुमारी जयन्ती, राजकुमारी शान्ती, राजकुमारी शारदा, कुमार खड्ग र अन्य राजपरिवारका सदस्यहरूको हत्या भएको थियो। उदार राजाको रुपमा परिचित राजा वीरेन्द्रको बंश नाशपछि नेपालमा राजतन्त्रे ७ वर्षपछि समाप्त भएको थियो २०६५ जेठ १५ गते मुलुकबाट राजतन्त्र समाप्तिको घोषणा गरिएको थियो। राजा वीरेन्द्रपछि उनका माइला भाइ ज्ञानेन्द्र शाह राजगद्दीमा आसीन भए। उनी नै नेपालको इतिहासको अन्तिम राजा बनेका छन्। हत्याकाण्डपछि तत्कालीन प्रधानन्यायाधीशको संयोजकत्वमा गठित उच्चस्तरीय छानबिन समितिले जेठ १९ को घटनाका लागि युवराज दीपेन्द्रलाई दोषी देखाइएको प्रतिवेदन सार्वजनिक गरेको थियो । तर त्यसलाई आम नेपालीले विश्वास गरिरहेका छैनन् । तत्कालीन सभामुख तारानाथ रानाभाटले छानविन प्रतिवेदन सार्बजनिक गरेका थिए।

Leave a Reply

Your email address will not be published. Required fields are marked *

Back to top button