प्रदेश नं २ काे ५ वटा अस्पतालकाे स्तराेन्नति हुँदै

प्रदेश मन्त्रिपरिषदको  हिजाे सम्पन्न बैठकले जिल्ला अस्पताल नभएका जिल्लाहरु पर्सा, धनुषा र सप्तरीमा ५०–५० बेडको अस्पतालमा स्तराेन्नति गर्ने  निर्णय गरेकाे छ ।

बाराको कलैयामा रहेकाे  जिल्ला अस्पताल र महोत्तरीको जलेश्वरमा रहेकाे  अस्पतालाई विशेष अस्पतालको रुपमा स्तरोन्नति गर्ने निर्णय गरेको छ। जलेश्वर अस्पतालले  बुधबारबाटै स्तरोन्नतिको काम शुरु गरी सकेको छ भने बाराले हिजाेबाट स्तरोन्नतिको काम शुरु गरिसकेकाे छ ।

त्यसैगरी पर्साको पोखरिया, धनुषाको डुमरिया र सप्तरीको भारदह स्थित अस्पताललाई जिल्ला अस्पतालको रुपमा स्तरोन्नति गर्ने निर्णय गरेको छ।