सूचना प्रविधिसम्बन्धी व्यवस्था गर्न विधेयकमाथि संसदीय समितिमा छलफल हुँदै



सूचना प्रविधिसम्बन्धी व्यवस्था गर्न विधेयकमाथि संसदीय समितिमा छलफल सुरु भएको छ । संघीय संसदको विकास तथा प्रविधि समितिले आज विधेयकका विषयमा छलफल गर्दैछ । यसअघि उपसमितिले गरेको संसोधन प्रस्तावको अध्यनमाथि छलफल हुनेछ । छलफल गर्न बैठक दिउँसो १२ बजे बालाइएको छ । विधेयकमाथि २८ जना सांसदले ९ वटा संशोधन प्रस्ताव दर्ता गरेका थिए ।


सामाजिक सञ्जाललाई पनि नियमन गर्ने गरी सरकारले ल्याउन लागेको यस विधेयकबाट सामाजिक सञ्जालसम्बन्धी व्यवस्था नै हटाउन भनी १८ जना सांसदले संशोधन दर्ता गराएका छन् ।

 

विधेयकमा हालसम्म कम्पनी रजिष्ट्रारको कार्यालय, उद्योग विभाग, वाणिज्य तथा आपूर्ति व्यवस्थापन विभाग तथा घरेलु तथा साना उद्योगमा दर्ता हुँदै आएका यस्ता व्यवसाय अब सूचना प्रविधि विभागमा पनि दर्ता गर्नुपर्ने हुनेछ ।

 

सूचना प्रविधिको विकास तथा प्रवद्र्धनको सम्बन्धमा आवश्यक व्यवस्था गर्न बनेको विधेयकले सूचना प्रविधिको दुरुपयोगले समाजमा पर्न सक्ने नकारत्मक असरलाई कम गर्दै विकास र समृद्धिको यात्रालाई सहयोग होस भनेर विधेयक ल्याइएको भनिएको छ ।

 

विधेयकमा विद्युतीय स्वरूपमा रहेको वैयक्तिक सूचनाको गोपनीयता भंग गर्न नहुने, सूचना सुरक्षाको प्रत्याभूति गर्नुपर्ने, सुरक्षा मापदण्ड अवलम्बन गर्नुपर्ने, कम्पनीहरूले वार्षिक सुरक्षा परीक्षण गर्नुपर्ने, डाटा केन्द्र तथा क्लाउड सेवा सञ्चालन गर्न इजाजत लिनुपर्ने व्यवस्था गरेको छ ।

साझा खबर सीआईएन

Leave a Reply

Your email address will not be published. Required fields are marked *

Back to top button