भारतमा हालसम्मकै बढी कोरोना संक्रमित थपिए, एकैदिन झन्डै २५ हजार संक्रमित बने



भारतमा हालसम्मकै बढी संख्यामा कोरोना संक्रमित थपिएका छन्।

गएको २४ घण्टामा भारतमा २४ हजार ८५० संक्रमित थपिएको त्यहाँको स्वास्थ्य मन्त्रालयले जनाएको छ। सोही अवधिमा ६१३ को मृत्यु भएको जनाइएको छ।


यससँगै भारतमा कोरोना संक्रमितको संख्या ६ लाख ७३ हजार १६५ पुगेको छ। संक्रमितमध्ये १९ हजार ६२८ को मृत्यु हुँदा ४ लाख ९ हजार उपचारपछि स्वस्थ बनेका छन्।

पछिल्लो समय भारतमा हरेक दिन हजारौंको संख्यामा कोरोना संक्रमित बढ्दै गएका छन्। भारत यतिबेला विश्वमा कोरोनाबाट सबैभन्दा बढी संक्रमित राष्ट्रको चौथो स्थानमा छ।

अमेरिका, ब्राजिल र रुसपछि भारतमा धेरै कोरोना संक्रमित छन्। एजेन्सी

Leave a Reply

Your email address will not be published. Required fields are marked *

Back to top button