अवैध खाेला उत्खन्नकाे विराेध गर्ने दिलिपकाे अन्त्येष्टि



शनिबार राति औरही खोलामा २ सय भन्दा बढि मानिसकाे जमघट थियाे । सयाैंकाे संख्यामा मानिसहरू भएपनि सबै जना माैन थिए । भर्खरै २४ वर्ष पुगेका   अवैध खाेला उत्खन्नकाे विराेध गर्ने  युवा दिलीपकुमार महतोको शव छेउमा सबैकाे झुण्ड थियाे । त्यहाँ उपस्थित सबै माैन र सबैकाे अाँखा रसायकाे थियाे , याे हृर्दयविदारक दृश्य देखेर नरूने काेही थिएन । याे दृश्य हाे   धनुषाको मिथिला नगरपालिका ५ श्रीपुरका २४ वर्षीय युवा दिलीपकुमार महतोको   अन्त्येष्टि स्थलकाे हाे ।


शुक्रबार बिहान ४ बजे औरही खोलामा उत्खनन भइरहेको थाहा पाएपछि रोक्न जाँदा  दिलिपलाइ  रडले प्रहार गरी घाइते बनाई ना ७ ख ६४१३ नम्बरकाे टिपरले किचेर  वीभत्स हत्या गरिएको थियो। उनकाे हत्या पछि अहिले उनकाे गाँउ पूरै शाेकमग्न भएकाे छ । शनिबार राति उनकाे  अन्त्येष्टिमा पनि त्यस्तै शाेक देख्न सकिन्थ्याे ।

दिलिपकाे  अन्तिम दाँहसंस्कार उनकाे हत्या   भएकाे ठाँउ भन्दा   १ सयमिटर नजिकै गरिएकाे थियाे । माघकाे कठ्याग्रीदाे जाडाेमा उनका ७५ वर्षिय हजुरबुबा रामप्रित  महताेले थरथर काँपेकाे हातले नातीकाे शवमा  दागबती दिएका थिए ।

 

अाफ्नै हातले हुर्काएका नातीलाइ यति कलिलै उमेरमा पूनः अाफ्नै हातले अन्तिम संस्कार गर्नुपर्ला भन्ने नसाेचेका रामप्रितले शनिबार राति त्यस्ताे अशाेचनीय कार्य गर्नु नै पर्याे । नातीकाे हत्या पछि उनी बाेल्न छाडेका छन् एकहाेराे राेइ मात्रै रहन्छन् ।  हत्यापछि  प्रहरीले उठाएको मुचुल्कामा आफन्तकाे  चित्त नबुझेपछि   दिलीपको शवको पोस्टमार्टमा ढिलाई भएको थियो। कागजी प्रक्रियामा चित्ता बुझेपछि झण्डै ३६ घण्टा पश्चात प्रादेशिक अस्पताल जनकपुरमा शनिवार साँझ मात्रै  पोस्टमार्टम गरेकाे हाे ।

भारतको भोपालमा इन्जिनियरिङ  विषयकाे अन्तिम सेमेस्टरकाे अध्ययन गरिरहेका दिलीप घर आएको बेला उनको हत्या भएको हो।  गाँउकैकाे  पूर्वको औरही र  पश्चिमको बसही खोलामा भइरहेको अवैध खाेला दोहन विरुद्धको अभियानमा  सक्रिय रुपले लागेका थिए।

घर आएको बेला युवाहरुको अवैध खोला दोहनको विरोध गर्ने र रोक्ने कार्यकाे नेतृत्व गर्दै अाएका  दिलीपकाे गतिविधिले व्यवसायमा असर  पर्ने भएपछि    स्थानीय चुरियामाई प्रशोधन क्रसरसंचालक विपीन महतो लगायतले उनको हत्या गर्ने तानाबाना बुनेका थिए ।

 

 

 

 

 

Leave a Reply

Your email address will not be published. Required fields are marked *

Back to top button