३ महिनादेखि बन्द रहेकाे जनकपुरकाे जानकी मन्दिरकाे मुलढाेका सर्वसाधरणका लागी खुला गरिएकाे छ ।  कोरोना भाइरस काेभिड १९ काे संक्रमणका कारण सरकाले गत चैत्र ११  गतेदेखि लकडाउ गरेपछि जानकी मन्दिरकाे मुलढाेका  चैत १५ देखि बन्द  गरिएकाे थियाे ।

हिन्दु धर्मावलम्बीहरुको आस्थाको केन्द्र जनकपुरधामस्थित जानकी मन्दिरको पट (मुलढोका) ८१ दिनपछि खुलाइएकाे छ । कोरोनाले विश्वव्यापी महामारीको रुप लिएपछि भक्तजनहरुको भीडभाडले काेराेना संक्रमणकाे कारण देखाउदै जानकी मन्दिरकाे पट बन्द गरिएकाे गरेकाे थियाे ।

काेराेनाकाे संक्रमणलाइ ध्यानमा राख्दै सामािजक दुरी  कायम गर्दै   जानकी मन्दिरको पट आंशिक रुपमा  खुल्ला गर्ने सरकारको निर्णयपछि मन्दिरकाे मुलढाेका  खुलेको हो ।

जानकी मन्दिरको मुलढोका खुलेपछि  रामजानकी   दर्शनका लागि श्रद्धालु भक्तजनहरुको घुंइचाे लागेकाे छ ।

लकडाउनको अवधिमा मन्दिरमा  बिहान र बेलुका हुने नियमित   पूजापाठ एवम् आरती जारी रहेपनि मन्दिरको मुलढोका सर्वसाधारणका लागि जिल्ला प्रशासन कार्यालय धनुषाकाे  आदेशमा बन्द  गरिएकाे थियो ।

श्रद्धालु भक्तजनहरुको आस्थाको केन्द्र रहेको जानकी माताको दर्शनको लागि लामो समयसम्म रोकटोक गर्न नमिल्ने हुनाले व्यवस्थित रुपमा घुंइचाे  कम हुनेगरी दर्शनका लागि मन्दिरको पट खोलिएको महन्त रामरोशन दासले जानकारी दिए ।

मन्दिरमा  दैनिक सेनिटाइज गर्ने व्यवस्था मिलाइदिन जनकपुरधाम उपमहानगरपालिकासँग  दासले  आग्रह  गरेका छन् ।